ياعزيزي .. كلهم لصوص !!!

بسم الله الرحمن الرحيم

كل يوم كتاب ولا مقالة او حتى موضوع جامد ((على راي الشباب )) على منتدى رائع او قصيدة كلها احساس او كلمة دافية من القلب بجد ممكن او احتمال تغير شخص لو قراها حتى ولو كان الكلمة دي مرت مابين عينية صدفة !، وبالرغم من اني دايما بؤمن ان الصدفة دي مقدرة تماما لتغير شيء مختل سواء بقى الشيء دة جزء انساني او وطني او صحي او ديني او اقتصادي حتى ، ويمكن في كلمة سمعتها زمان وانا صغيرة بس الحقيقة ليست من شاعر وكمان مش من عالم ولا
حتى بطل قومي هز العرب بانتمائة وانما هي كلمة من ممثل والكلمة دي كانت (( ياعزيزي كلنا لصوص)) ، يمكن في الاول مفكرتش في معنى الجملة دي بس الحقيقة بعد الوضع ايلي احنا فية يسرني ابشر الجميع باني بالفعل فهمتها ومش كدة وبس انا لقيت مثال حي عليها والمشكلة الاكبر انو مثال حي مابينا وعايش في وسطنا كل يوم والمشكلة الاكبر بقى انه صاحبنا دة مسئول عني وعنك وعن الشيء المسروق نفسة ايلي احنا جزء من ارضة وبيتكون من 3 حروف وقلب واسمه ((مصر)) .طرف الاول من اللص هو ايلي محتل ارضنا وكل يوم بيهددنا بالهدم ، اما الطرف الاخر فهو ايلي المفروض رمز امنا مع انه في الاصل لا يعلم اي شيء عن كيف يشعرنا بلامان في حياتنا واحنا مش قادرين نعيش من غير مايسمع صوتنا .
يعني اتنين بيتبايعوا على سرقة شيء واحد واحد بيلعب دور الحامي والتاني هو عدو مع ان في نفس الوقت الاتنين بيسرقوا نفس الشيء ، بصرف النظر بقى عن الجزء ايلي بينسرق منها ان كان ارض ولا عرض وان كان خبز العيش ولا امان الناس ، ان كان الرحمة ولا دم الشهدا وان كان الحياة ولا سرقة الحدود !، نهايئا فهي نهاية محسوبة على نواحي عدة ونهاية فالنتيجة والمسألة متزنة ، ونهائيا برضوا فياعزيزي ((كلهم لصوص ))، كلهم لصوص لحلمك وامنك وزوجتك وابنك كلهم لصوص لبلدك
وفرحك وعمرك ، كلهم لصوص لمستقبلك وحقك ، كلهم لصوص ياعزيزي كلهم لصوص !!.

ربنا يهدينا جميعا